Kisi Ke Kehne Se Har Ladka Bura Nahi Hota

Kuch mardo ki wajah se,
Sabko galat thehrana bhi sahi nahi hota,
Aur kisi ke keh dene par se,
Har ladka bura nahi hota.

Kuch mardo ki wajah se,
Sabko galat thehrana bhi sahi nahi hota,
Koi udaay agar mazak kisi ka,
Toh woh aksar tok deta hai,
Tumhare ghar mein bhi toh Maa Behne hai,
Yeh keh kar rok deta hai.

Chod deta hai woh raasta aksar ladki ke liye,
Ji haan!! Har koi raasta rokne wala nahi hota,
Aur kuch logo ki wajah se har ladka bura nahi hota.

Zindagi ko kaise jeena hai,
Yeh bhi use bakhubi aata hai,
Aur dosto ke sath party karne woh bhi jaata hai,
Par aadat hai use Maa Baap ke sath khana khane ki,
Isiliye woh kabhi ghar aane mein late nahi hota,
Ji haan!! kisi ke keh dene par se har ladka bura nahi hota.


Apni zimme daariyon se kabhi woh bhaagta nahi hai,
Aur musibat ke samay himmat haarta nahi hai,
Dafn kar deta hai woh apne armaano ko sabki khushi ke liye,
Har laakda baap ki daulat pe aish karne wala nahi hota,
Aur kuch logo ki wajah se har ladka bura nahi hota.

Kuch mardo ki wajah se,
Sabko galat thehrana bhi sahi nahi hota,
Aur kuch logo ki wajah se har ladka bura nahi hota.

Ishq ki duniyaa mein bhi woh imandaar hota hai,
Aur apne ishq ki hifazat ke liye woh sabse jaandar hota hai,
Aur aksar woh dhak deta hai duppatte se apni mohabbat ko,
Kyuki har ladka ishq mein duppatta hatane wala nahi hota,
Aur kuch logo ki wajah se har ladka bura nahi hota.

Kuch mardo ki wajah se,
Sabko galat thehrana bhi sahi nahi hota,
Aur kuch logo ki wajah se har ladka bura nahi hota.

-BHAVYA KARANIA